Keeping Up With Kate - Jan. 30, 2025 (Amharic/አማርኛ)

የሞንትጎመሪ ካውንቲ እሴቶችን ዳግመኛ የሚያረጋግጥ መልእክት 

ውድ ጓደኞቼ

ከማክበር ሰላምታ ጋር

በፌዴራል መንግስት ደረጃ የታዩ ለውጦች በማህበረሰባችን ላይ ስጋት እና አለመረጋጋትን ፈጥረዋል። በስደተኞች፣ የLGBTQ+፣ እና ጥቁር የቆዳ ቀለም ያላቸው የማህበረሰቡ ዓባላት ላይ በተለየ ሁኔታ ተጽእኖ ፈጥሯል። እነዚህን ስጋቶች ተረድተናል እናም የነዋሪዎቻችንን መሰረታዊ መብቶች ብቻ ሳይሆን የአካባቢያችንን አስተዳደር የማስተዳደር አቅም ጭምር ለማስከበር በቁርጠኝነት መስራታችንን እንቀጥልበታለን። በህግ ስር ለመልካምነት፣ ለፍትህ እና ሁሉንም በእኩል ሁኔታ የማስተናገድ ቁርጠኝነታችን ላይ በጽኑ ሁኔታ እንሰራለን።  

የሞንትጎመሪ ካውንቲ መሪዎች በአስደናቂው ብዝሐነት የተሞላው ካውንቲያችን ውስጥ ለአንድ ሚሊዮን ነዋሪዎቿ አገልግሎት እና ድጋፍ መስጠት ላይ በህብረት እየሰሩ ይገኛሉ። ማህበረሰባችን የመኖር፣ የመስራት፣ የማምለክ እና ቤተሰብ የማሳደግ ተግባራት ላይ ደህንነቱ የተጠበቀ እና እንግዳ ተቀባይ ሆኖ እንዲቆይ ለማድረግ የአካታችነት፣ የግንኙነት እና የርህራሄ እሴቶችን ከፍ እንዲያደርግ በቁርጠኝነት እንሰራለን።   

እንደ Department of Health and Human Services [የጤና እና የሰብአዊ አገልግሎት መምሪያ] የመሳሰሉት የካውንቲ ኤጀንሲዎች፣ በአሁኑ ጊዜ አገልግሎት ለሚሹ ወይም የሚያገኙ ሰዎችን የኢሚግሬሽን ሁኔታ በተመለከተ መረጃ አይሰበስቡም። ካውንቲው የሁሉንም ነዋሪ የግላዊነት ሁኔታን ቅድሚያ ይሰጣል እና የግላዊነት መብት ህጎች እና ደንቦችን ለማስፈጸም በትጋት ይሰራል።  የMontgomery County Police Department [የሞንትጎመሪ ካውንቲ ፖሊስ መመሪያ] እና Sheriff’s Office [የሼሪፍ ቢሮ] የU.S. Immigration and Customs Enforcement (ICE) [የአሜሪካ የኢሚግሬሽን እና የጉምሩክ አስፈፃሚ] አካል አይደሉም። የኢሚግሬሽን ህግ የማስከበር ስራ የፌደራል መንግስት ሃላፊነት ነው።  የእኛ ካውንቲ ህግ አስከባሪ የህዝብ ደህንነትን የማስጠበቅ ወሳኝ ተልእኮው ላይ ያተኮረ ሲሆን ይህም ማህበረሰቡን መጤውን ጨምሮ በሁሉም የማህበረሰባችን አካላት መካከል መተማመንን እንዲኖር ይጠይቃል።  

የማህበረሰቡን የመተማመን ሁኔታ የሚጠብቁ፣ የዘር ፍትሃዊነትን እና ማህበራዊ ፍትሃዊነትን የሚያበረታቱ እና በሁሉም መልኩ ጥላቻን እና መድልዎን የሚዋጉ ፖሊሲዎችን ማበረታታችንን እንቀጥልበታለን። የዘር ፍትሃዊነት እና ማህበራዊ ፍትሃዊነት ለሁሉም ለመፍጠር በትጋት ስንሰራ መግባባት፣ መቻቻል እና መከባበር የሞንትጎመሪ ካውንቲ ልዩ መለያዎች ናቸው።  

70,000 የሚደርሱ የሞንትጎመሪ ካውንቲ ነዋሪዎች የሚሰሩት ለፌደራል መንግስት ሲሆን እነሱ የሚሰጡት የህዝብ አገልግሎት ለእኛ ዲሞክራሲ ዋጋ ይኖረዋል እና አብዛኛዎቹ የስጋት ሁኔታ ውስጥ ገብተዋል። የእኛ ማህበረሰብ የሥራ ዕድሎችን፣ የሰው ሃይል ልማት ፕሮግራሞችን፣ እና የሥራ ማጣት ሁኔታን ለሚያጋጥማቸው የማህበረሰቡ ዓባላት ዕድሜ ልክ የትምህርት ዕድሎችን ይፈጥራል።   

ከፌደራል መንግስት ቀጥሎ ስለሚወሰነው ውሳኔ በእርግጠኛነት የምናውቀው ነገር የለም፣ ነገር ግን የሞንትጎመሪ ካውንቲን እሴቶችን ለማቆየት እና ለማጠናከር የተቻለንን ሁሉ እንደምናደርግ ለነዋሪዎቻችን ለማሳወቅ እንወዳለን።    

ለነዋሪዎቻችን ጠቃሚ መረጃዎች 

• የካውንቲው Gilchrist Immigrant Resource Center [ጊልክረስት ኢሚግራንት ሪሶርስ ሴንተር] የ ቤተሰብ ዝግጅት ገጽ ጨምሮ መብቶችዎን ይወቁ የሚሉ በበርካታ ቋንቋዎች የተዘጋጁ ወሳኝ መረጃዎችን ያቀርባል። 
  

• Montgomery County Public Schools [የሞንትጎመሪ ካውንቲ የሕዝብ ትምህርት ቤቶች] (MCPS) ለተማሪዎች እና ለቤተሰቦቻቸው የተላለፉ መላውን-ዲስትሪክት የሚመለከት ፖሊስ አለው። MCPS ልጆች የትኛውም ዓይነት የኢሚግሬሽን ሁኔታ ላይ ቢገኙም ለሁሉም ተማሪዎች ደህንነቱ የተጠበቀ እና እንግዳ ተቀባይ እንደሆነ ይቆያል።  
  

• የሞንትጎመሪ ካውንቲ ፕራይድ ስለ “መብቶችዎን ይወቁ” እና ሌሎች ወሳኝ አገልግሎቶች በተመለከተ ለLGBTQ+ ማህበረሰቦች ግብዓት የሚያገኙበት ገጽ አዘጋጅቷል።  
  

• የካውንቲው Crisis Center [ክራይሲስ ሴንተር] በቀን ለ24 ሰዓታት/በዓመት ውስጥ ለ 365 ዓመት ያህል ነፃ የችግር ጊዜ የማማከር አገልግሎት ይሰጣል። አገልግሎቶቹ የሚሰጡት በስልክ ቁጥር (240-777-4000) ወይም በመንገድ አድራሻ 1301 Piccard Drive ሮክቪል [Rockville] የሚገኘው ቢሮ በአካል በመገኘት ነው (ቀጠሮ ማስያዝ አያስፈልግም)።  

• ተጨማሪ የአዕምሮ ጤና ግብዓቶች የNational Alliance for Mental Illness [ብሔራዊ የአዕምሮ ጤንነት ህብረት] (NAMI) የግብዓት ገጽ ላይ ተዘርዝረዋል።  

• ለሥራ ቅጥር እና ድጋፍ የማግኛ መረጃዎች WorkSource Montgomery ስር ፈላጊዎችን እና ቀጣሪዎችን የሚያገለግል የካውንቲው የሠራተኛ ኋይል ልማት አገልግሎት ሰጪ ድርጅት ነው።  

• የAmerican Civil Liberties Union [የአሜሪካ ሲቪል ሊብሬቲስ ህብረት] “መብቶችዎን ይወቁ”  መረጃ መስጫ ገጽ የሁሉንም ማህበረሰቦች መብቶች ማስከበር እና እንዴት እነዚህን መብቶች እንደሚያራምዱ የሚጠቅስ ጠቃሚ መረጃዎች አሉት።   

• የጥላቻ-መድሎ ሁኔታን ሪፖርት ለማድረግ የሞንትጎመሪ ካውንቲን የጥላቻ/አድሎ ክስተት ቅሬታ የማቅረቢያ መድረክ (Montgomery County Hate/Bias Incident Complaint Portal) ይጎብኙ ወይም በስልክ ቁጥር 311 (240-777-0311 ላይ ይደውሉ፣ ወይም 711 ላይ ለ MD Relay TTY) ይደውሉ።  
  

• ተጨማሪ ድጋፍ ሰጪ አገልግሎቶች 311 ላይ በመደወል ወይም የካውንስሉን የማህበረሰብ ግብዓት ድረገጽ በመጎብኘት ማግኘት ይችላል። 

 የተለዩ ሁኔታዎች ያላቸው ከሆነ የማህበረሰቡ ዓባላት ጠበቃ ማማከር ሊያስፈልጋቸው ይችላል። 

ኬት ስቴዋርት

የምክርቤቱ ፕሬዚደንት